Sön Val de Misdé viôl n iade na bela gana. Ia por l’isté êra da odëi sö por i podruns sot Pisciadú ia, mo d’inver gnôra jö Calfosch a se scialdé. Le paur da Pecëi s’â inamoré dla gana y ti â damané da le maridé. La gana â azeté, mo ala condiziun che al ne la azicass mai cun la man rodosa. I dui á vit por n pez ligri cun sü mituns. Mo n de, canche la gana ti fajô le bagn a un di mituns, êl na moscia che jorâ ia y ca zënza tria, cina che le paur, zënza punsé, l’â parada demez y â aziché la fomena cun la man rodosa. Te chël momënt âra ciafé ria cira y cun les legremes ti edli ti âra ciaré por l’ultimo iade a so om y a sü mituns, s’un sciampan da porta fora cuntra i crëps. Da chël de inant, ne l’á degügn mai plü odüda.
La Val de Misdé da Sassongher. La Gana dla Val de Misdé. Cheder de Rott.
Biblioteca digitala: Les Ganes y i Salvans, L salvan de Frara, A mi bel Colfosch
La figöra dla gana te d’atres liëndes:
La Gana de Pöz, La nasciüda dl Rëgn de Fanes, Scioc ascognüs y strinëc
© düc i dërc resservá
