Merisana

Inze ra  Val Costeana intra Fuzarego e Anpezo da meśodì se podea vede ra bela anguanes che vegnia fora dal Ru de ra Verjines. Merisana l’ea ra so rejina e r’ea parona de duta ra roba pì beles che se podese aé da i bosche e da ra crodes. I fiore, i brascioi, ra cejes e res aghes i obedia a Merisana e el sò regn śia dal Cristalo fin a ra tera dei Duranni. Ma Merisana non ea contenta, a se pensà de duta chera creatures che inze el mondo es padia. Un dì el Re de i Rajes (Re dei Raggi), che aea el sò regn inpò l’Antelao, el s‘àea invaghì de era dapò de r aé veduda. Merisana se l arae maridà canche el fose sta bon de fei contentes duta ra creatures, ma chesto non ea poscibel. Coscì Merisana i aea domandà che almanco par un dì intiero i fose dute contente, ma anche chesto non se podea el fei. Donca,  solo par un ora, ves meśodì, el dì de ra nozes de Merisana con el Re de i Rajes, dute arae podù sta ben. Coscì r é stada.

Ra śente e ra besties i aea portà in don a Merisana i fiore pì biei par i dì gramarzé. Tante, e pò ancora tante fiore che i doi nane che vegnia dal bosco de Amarida i à dorade par fei un noo brascion, el laresc, che l à scomenzà ra so vita dal el velo da nozes de Merisana.